蝙蝠灰的迷思 小丑，
輕視社會既有規範，
認定果套價值觀便我行我素，
將現實世界徹底瘋狂化。 睇住身邊的人沉淪，
先令佢有滿足感，
先有存在感。 佢利用「測試」，
用盡方法摧毁人家的道德觀，
一直堅守的信念，
目的係証明自己的另類價值觀， 無預先將揚的殺人動作，
先在叫在場人士膽戰心驚，
呢種表達方式，
比用槍指住你個頭，
仲要可怕。 別人無法改變，
亦無法逃避，
唯有選擇妥協。
呢種認證方法荒誕絕倫，
但感覺相當實在。 不過小丑的自身價值，
總係要同其他人緊扣起黎，
若然人人沉淪，
佢雖然興奮，
但之後就再會無左生存價值，
做人無晒意義，
呢點相當矛盾。 結果係蝙蝠俠、
白騎士都唔殺得，
因為，
當無人再「聲稱」自己係正義勇士，
黑夜守護神之類之類......
咁佢仲有咩好做？
唔通要入番精神病玩刀仔？ 同樣地，
蝙蝠俠一樣咁矛盾，
小丑只能捉，
亦不能殺，
兼且無晒小丑呢類壞蛋，
得番蛋散壞人，
蝙蝠俠亦無存在必要，
社會亦再容不下他。 所以蝙蝠俠同小丑必須共存，
亦怕對方消失。 更進一步的講法，
係小丑，
其實是眾人心目中的陰暗面，
係我們心中的鬼，
我地不能除去，
亦不可除去。 小丑所作所為，
我地並不認同？
但偏偏戲中三次測試，
很多人都未能連串三關。 我地骨子裡，
何嘗不是小丑性格。 陳冠希淫照事件，
亦係例子，
我地把口咒罵陳冠希長年累月的荒淫私生活，
但隻手就一路掩書搵相，
恨睇更多捲入旋渦的女星肉照。 潛台詞係︰「娛樂圈，還不是大染缸一個，有何清高可言？」 結果，
我地邊掩邊鬧，
又邊睇邊笑，
精神咁分裂，
同小丑又有咩分別？ | 
